සමලිංගික සේවනය සමාන්‍ය දෙයක්ද? නැතිනම් මානසික ලෙඩක්ද?

එක හා සමාන චර්යා රටාවකට නැඹුරු වූ සමාන සිතුම් පැතුම් සහිත එකම ලිංගයේ සමාන වයස් කාණ්ඩ වල පසුවන්නන් එදිනෙදා ජීවිතයේදී එකට එකතු වී සිටිනු අපට දැක ගත හැකිය. එහෙත් ලංගික ජීවිතයේදී මේ ස්වභාවය වෙනස් මගක් ගනී. කායක හෝ මානසික විකෘති භාවයෙන් නොපෙලේනම්, ඔවුන් ලිංගික ජීවිතයේදී ප්‍රතිවිරුද්ධ ලිංගික ඇසුරකට ආකර්ෂණයක් දැක්වීම ස්වභාවික තත්ත්වයකි.

එහෙත් සාමාන්‍ය ජීවිතයේදී මෙන්ම ලිංගික ඇසුර සඳහාද සමාන ලිංගිකයන් වෙත යොමු වන පිරිසක් සීඝ්‍රයෙන් වර්ධනය වෙමින් පවතී. එසේ වීමට විවිධ පුද්ගලයන්ගේ  ලිංගික ජීවන චර්යා පසුබිම, අභ්‍යන්තරයේ විෂමතාවයන් හේතු පාදක වන බව ලිංගික මනෝ විද්‍යාඥයන්ගේ මතයයි.  දොස්තර කින්සේගේ වර්තාවයට අනුව කාම උමතුවෙන් (nympho mania) පෙළෙන්නෝ කුමන ලිංගික චර්යාවකින් වත් තෘප්තියට පත් නොවෙති. ඔවුන් වැඩිදෙනා සමලිංගික සේවනයටද යොමු වී සිය කැකෑරෙන ආවේගයන් තුනී කරගනීමට මාන බලති.

සමලිංගික සේවනයට හුරු වූ එහෙත් ආන්තික කාම උම්මන්තක භාවයට පත් නොවුණු වෙනත් විකෘති චර්යාවන් අනුගමනය නොකරති. ඔවුන්ගේ තෘප්තිය සමලිංගත්වය තුළ ගිලී ඇත. සමලිංගික විවාහ තහනම් රටවල ඇතැම් ධනවත් පුද්ගලයන් නාමික වශයෙන් තම විවාහයන් පවත්වාගෙන යති. එවැනි අවස්ථාවල බිරිදි සම ලිංගික කාන්තාවක් නම් පුරුෂයා ඇයට ඒ සඳහා වෙනත් කාන්තාවක් ලාබාදේ. බිරිදගේ අනුදැනුම ඇතිව එම කාන්තාව හා පුරුෂයා අතර සාමාන්‍ය ලිංගික චර්යා පවත්වා ගනිමින් දිගටම විවාහයද පවත්වාගෙන යනු ලබයි. මේ සඳහා ඔවුන් බොහෝ විට තෝරාගනු ලබන්නේ නිවසේ මෙහෙකරුවකු හෝ මෙහෙකාරියකි.

විවිධ සමාජ ආර්ථික බලවේග හමුවේ විවාහ දිවයට පිවිසීමට පමා වන අය විශාල අසහනයකින් පෙළෙති. එවන් පුද්ගලයන් සිය සිතැඟි සපුරා ගැන්මට විකෘති ලිංගික කෘත්‍යන් වෙත හෝ සමලිංගික ඇසුර වෙත යොමුවිය හැක. එහෙත් මුදලක් ගෙවා සමලිංගික ඇසුර සොයන්නොද සිටිති. එවැන්නන් තුළ ඇත්තේ මානසික හෝ කායික අසාමාන්‍යතාවයකි.

විරුද්ධ ලිංගික ඇසුර පිළිකුල් පහත් දෙයක් ලෙස සැලකීමට ඇතැම් අය කුඩා කල සිට හුරුවේ. මෙයට මූලිකවම පසුබිම නිර්මාණය කරන්නේ ඇතැම්විට දෙමාපියන් හෝ වැඩිහිටියන්ය. සිත තුළ ලිංගික ප්‍රශ්නයක් පැන නැගුණු විට දරුවන් දෙමව්පියන්ගෙන් ඒ පිළිබඳ අසා බොහෝ විට ප්‍රශ්න කරයි. මෙවැනි අවස්ථාවල උපක්‍රමශීලීව වැරදි කරුණු දරුවාගේ හිත තුල ඇති නොවන ලෙස පිළිතුරු දිය යුතුය. එහෙත් බොහෝ විට වැඩිහිටියන් අතින් සිදුවන්නේ දරුවා හොදටම බිය ගන්වා විකාර අදහස් ළදරු මනසට ඇතුල් කිරීමයි. ඒ අනුව ඉදිරියට සිතන්නට පෙළඹෙන දරුවන් විරුද්ධ ලිංගිකයන් අප්‍රිය කිරීමට පෙළඹිය හැකිය. මෙවන් ළදරුවියේ අත්දැකීම් පසුකාලීනව ජීවිතය හසුරුවන්නේ පුදුමාකාරයෙනි. පොත පතින් නිවැරදි දේ කුමක්ද කියා දැන ගත්තද කුඩා කල යටිසිතේ බැසගත් අදහස් වල අතුරු පලයක් ලෙස ඔවුන් සමලිංගික ඇසුරට පත්වේ.  කුඩා කලදී සමලිංගික ඇසුරට මැදිවූ දරුවෝද පසු කලෙක ඊටම ඇබ්බැහි වෙති.

මාපිය සෙනෙහස අහිමිවූ දරුවෝ ඇතැම්විට මවගේ දෙවන සැමියා හෝ පියාගේ දෙවනි බිරිඳ යටතේ බොහෝ මානසික පීඩාවන්ට නතු වෙති. පුංචි අම්මා කෙනෙකුගෙන් එවන් පීඩනයට පත්වන පිරිමි දරුවන්ද, බාප්පා කෙනෙකුගෙන් එලෙස පීඩනයට පත් වන ගැහැණු දරුවන්ද පසු කාලීනව ලිංගක ජීවිතයට ස්වභාවික ලෙස පිවිසේනනේ නැත.

ලිංගික බෙලහීනතාවයෙන් කලකිරී සිටින්න් හා ලිංගික බෙලහීනතාවයක් ඇතැයි මනසින් මවාගෙන සිටින පුද්ගලයින්ද හඹා යන්නේ සමලිංගක ලෝකයයි. ඇතැම් ගැහැණු පුරුෂයන්ගේද ඇතැම් පිරිමි ගැහැණුන්ගේද හැසිරීම් රටාවන් අනුකරණය කරති. මෙවැනි අය විවාහ දිවියට පිවිසුනහොත් ලිංගික ජීවිතය සර්ප විමානයක් බවට පත්වේ. එහෙත් මෙවැනි පුද්ගලයන්ගේ විවාහ දිවිය සාර්ථක ලෙස ගලාගෙන යන එක් සාධකයක් ඇත. ඒ කාන්තා හැසිරීම් රටාවකට කැමැත්තක් දක්වන පුරුෂයෙක් හා පුරුෂ හැරසිරීම් රටාවකට කැමැත්තක් දක්වන කාන්තාවක් සමග විවාහ වන අවස්ථාවයි. මෙවැනි අවස්ථාවල එම විවාහ දිවිය සාර්ථකව බාධාවකින් තොරව ඉදිරියට ගලායයි. බොහෝ විට ඔවුන් ලිංගිකව එක් වීමට පෙර පුරුෂයා කාන්තා ඇඳුම්ද, කාන්තාව පුරුශයාගේ ඇඳුම්ද ඇද ලිංගිකව එක් වන මනෝ විද්‍යාඥයන් සොයාගෙන ඇත.

සමලිංගික ඇසුර සමාජයට කිහිප ආකාරයකින්ම අහිතකරය. විවාහ සංස්ථාවට මෙම චර්යා කෙලින්ම බලපාන අතර, සමාජ රෝග වලින් බහුතරයක වාහකයන් වන්නේද සමලිංගිකයන් බව වෛද්‍ය වාර්ථාවන්හි සඳහන් වේ.

සම ලිංගික සේවනයට ඇබ්බැහි වීම මානසික විකෘති භාවයක් ලෙස වෛද්‍යවරු පවසයි. සමලිංගික පුරුෂයන්ට පුරුෂ හෝමෝනද, සමලිංගික කාන්තාවන්ට ස්ත්‍රී හෝමෝනද එන්නත් කර මෙම තත්වයෙන් මිදීමට හැකි යාව ඇත්දැයි පර්යේෂණය කලද එය සාර්ථක වී නොමැත. එසේ කළ විට මෙවන් පුද්ගලයන් තදින් විකෘති චර්යාවන්ට ඇබ්බැහි වනාවා හැර රෝග නිවාරණයක් සිදු වී නැත.

Related articles

 

© 2015 srilife.lk