ප්ලූටෝගෙන් හිස්වූ තැනට අළුත් ග්‍රහලෝකයක් සොයාගැනේ

ප්ලූටෝගෙන් හිස්වූ තැනට අළුත් ග්‍රහලෝකයක් සොයාගැනේ

ප්ලූටෝ ග්‍රහයා සෞරග්‍රහමණ්ඩලයෙන් ඉවත් කළ පසු හිස් වූ 9 වැනි තැන පිරවීමට පෘථිවිය මෙන් දස ගුණයක් විශාල Planet 9 (නම වන ග්‍රහයා) ලෙස තාවකාලිකව හදුන්වන ග්‍රහලෝකයක් සොයාගැනීමට ඇමරිකානු තාරකා විද්‍යාඥයන් සමත් වී ඇත. මේ නව ග්‍රහයා මුල් වරට අපේ ලොවට හෙළි කරන ලද්දේ කැලිෆෝනියා තාක්ෂණික ආයතනයේ විද්‍යාඥයන් වන Konstantin Batygin සහ Mike Brown දෙදෙනා විසිනි. දැනට ගණනය කර ඇති දත්ත අනුව මෙම ග්‍රහයා නෙප්චූන් ග්‍රහයාගෙන් දුරස්ව ඇති අතර සූර්යයාගේ සිට සැතපුම් බිලියන 93ක් ඈතින් පිහිටා ඇත.

කෙසේ නමුත් මෙම නව ග්‍රහලොව සූර්යයා වටා භ්‍රමණය වීම සදහා පෘථිවි වසර 10000 ත් 20000ත් අතර ගත වනු ඇති බවට දැනට සොයා ගෙන ඇති දත්ත අනුව නිගමනය කර ඇත. මෙම පර්යේෂකයන් සදහන් කරන්නේ "වසර 150කටත් පසුවෙ මෙවන් සොයාගැනීමක් කිරීමට හැකිවීමෙන් අප තවමත් සෞරග්‍රහ මණ්ඩලය සම්පූර්ණ ලෙස  අධ්‍යනය කර නොමැති බව තහවුරු වීමක්" ලෙසයි. තවමත් මේ ගැන වැඩිදුර පර්යේෂණ දියත් කර ඇති අතර. නුදුරේම මෙම ග්‍රහ ලොව සෞරග්‍රහ මණ්ඩලයේ 9වන ග්‍රහයා ලෙස නිල වශයෙන් ප්‍රකාශ කිරීමට නියමිතයි.

Related articles

© 2015 srilife.lk