ප්‍රහාරයකට පැමිණි ISIS ත්‍රස්තයින් 47ක් මරාදමා කඳවුර බේරාගත් නිර්නාමික ස්නයිපර්කරු

ඉරාකයේ Al Assad ගුවන් කදවුර බ්‍රිතාන්‍ය සෙබළුන් 250ක ගෙන් යුතු කණ්ඩායමක් මෙහෙයුම් සිදුකරන ස්ථානයක්. ISIS ත්‍රස්තයින්ගේ නිරන්තර ප්‍රහාරවලට ලක්වීම නිසා මෙම ප්‍රදේශය ‘‘මරණයේ ත්‍රිකෝණය“ ලෙස කාලයක් තිස්සේ හදුන්වනු ලැබුවා.

ආසන්න දිනකදී මෙම කඳවුරට පහර දීමට පැමිණි ISIS සටන්කරුවන් 47 දෙනෙක්  තනිවම මරාදැමීමට මෙහි සිටි බ්‍රිතාන්‍ය ස්නයිපර් වෙඩික්කරුවෙක් සමත්වී තිබෙනවා. ගුවන් කඳවුරේ ඉහළම ස්ථානයක සිට කඳවුර වෙත පැමිණෙන තුවක්කුකරුවන් සහ මරාගෙන මැරෙන ට්‍රක් රථ බෝම්බ දෙස නිරන්තර අවධානයෙන් සිටිමින් එම අතුල්වීම් වැළැක්වීම මෙම ස්නයිපර්කරුගේ රාජකාරිය වී තිබුණා.

එම වගකිම ඉතා දක්ෂ ලෙස ඉටුකල මේ සෙබලා බ්‍රිතාන්‍ය හමුදාව සතු භයානකම ස්නයිපර් වෙඩික්කරුවන්ගේන් කෙනෙක් ලෙස සැලකෙනවා. නමුත් ආරක්ෂක හේතූන් මත ඔහුගේ නම හෝ අනෙක් තොරතුරු කිසිවක් හෙළිකර නැහැ.

අෆ්ගනිස්ථානයේ සිදුකල මෙහෙයුම්කදී ද වැඩිම ත්‍රස්ත සංඛ්‍යාවක් ඝාතනය කර ඇති මෙම ස්නයිපර්කරුගේ හැකියාව කොතරම් දැයි කියනවා නම් ඔහු මීටර් 1431ක් දුරින් සිටි ත්‍රස්තයෙක් ද ස්නයිපර් වෙඩි පහරින් මරණයට පත් කර තිබෙන බව දැනගන්නට ලැබෙනවා.

Related articles

 

© 2015 srilife.lk